Главная » Статьи » NEWS - НОВОСТИ » NEWS - НОВОСТИ |
Միշա Քալանթարյանը ինքնասպան է եղել իր տանը. Ներսիկ Նազարյան
Օգոստոս 18, 2012 | 00:45 «Այո, Միշա Քալանթարյանը ինքնասպան է եղել տանը»,- NEWS.am-ի թղթակցի հետ զրույցում քիչ առաջ հայտնել է ոստիկանության Երեւան քաղաքի վարչության պետ Ներսիկ Նազարյանը: Թե որն է եղել ինքնասպանության պատճառը, Նազարյանը ոչինչ չհայտնեց. «Դեպքը նոր է եղել, մի ժամ առաջ, աշխատում են դատաբժիշկները, քննիչները»,-ասաց Երեւանի ոստիկանապետը: Ըստ ոստիկանության, Միշա Քալանթարյանը ինքնասպան է եղել իր առանձնատանը, որտեղ եղել են նաեւ ընտանիքի անդամները: Նա առանձնացել է իր սենյակում ու կրակել: Կրակոցի ձայներից ահաբեկված` ընտանիքի անդամները վազել են ննջասենյակ եւ ականատես եղել դաժան տեսարանին: Նրանց համար անակնկալ է եղել տեղի ունեցածը: Նշենք, որ Միշա Քալանթարյանը 70 տարեկան էր: Ավելի վաղ NEWS.am-ը հայտնել էր, որ ըստ նախնական տեղեկությունների, Ազատամարտիկների 183 (Նախկին Դիմիդրով) հասցեում, հրազենով ինքնասպան է եղել հայտնի գործարար Միշա Քալանթարյանը: Նշենք, որ Միշա Քալանթարյանը Հայրապետյան եղբայրներից մեկն է: Հայրապետյան եղբայրներին են պատկանում Երեւանի Գաջի գործարանը, «Հայաստան» հանրախանութը, Աէրացիա թաղամասում գտնվող ձիարշավարանը եւ BMW խանութների ցանցը: Այս պահին նշված հասցե են ժամանել Ոստիկանության մեծ թվով բարձրաստիճան պաշտոնյաներ` Երեւանի Ոստիկանության պետ Ներսես Նազարյանը, Ոստիկանության քրեական հետախուզության վարչության պետ Աշոտ Կարապետյանը եւ այլոք: Источник: http://simpo.do.am | |
Просмотров: 458 | |
Всего комментариев: 0 | |